دلشاد چاوڙو

دلشاد چاوڙو: شاعر، اديب ۽ سياسي ڪارڪن دلشاد چاوڙي پھرين جنوري 1964ع تي ھيري چاوڙي جي گهر بدين شھر ۾ جنم ورتو. سندس اصل نالو مائو چاوڙو آھي. پاڻ صغير ئي ھو ته سندس والد اتان لڏي اچي ڪڙئي گھنور ۾ ويٺو، جتي ھن اٺين درجي تائين تعليم حاصل ڪئي. غربت سبب وڌيڪ پڙھي نه سگهيو ۽ پورھيو ڪرڻ لڳو. انهن ڏينھن کان ئي سندس تعلق عوامي تحريڪ سان جڙيو، جنھن جي اسٽڊي سرڪل منجهس لکڻ جي صلاحيت پيدا ڪئي. شروع ۾ شاعري ۽ پوءِ نثر طرف سندس لاڙو ٿيو. مختلف ادبي رسالن ’وينجهار‘، ’ڪينجهر‘، ’سنجها‘، ’عبرت مئگزين‘ ۽ ٻين ۾ سندس شاعري ۽ مضمون ڇپيا. ھن پنھنجي والد جي نالي سان ھيرو چاوڙو پبليڪيشن، ڪڙئي گھنور جو بنياد وڌو، ۽ ڪجهه ڪتاب ڇپرايا. 1983ع ۾ ايم.آر.ڊي تحريڪ دوران جيل ويو ۽ ستن مھينن تائين قيد رھيو. فاضل راھو جي شھادت بعد سياست کان پاسيرو ٿي ويو. 1988ع کان ’سنڌي ادبي سنگت‘ سان لاڳاپيل آھي. سندس ڇپيل ڪتابن ۾ ’ڪڙيو گھنور جو تاريخي پس منظر‘ (2015ع)، ’سنڌو ماٿري جي ساڃاهه‘ (2017ع) ۽ ’ساحل ڏور اکين کان‘ (شاعري-2019ع) شامل آھن پاڻ ھن وقت ڪڙئي گهنور ۾ رھي ٿو.

داخلا ۾ استعمال ٿيل تاريخون

1964.01.01  عيسوي

شاعر، اديب ۽ سياسي ڪارڪن دلشاد چاوڙي پھرين جنوري 1964ع تي ھيري چاوڙي جي گهر بدين شھر ۾ جنم ورتو.

شخصيتون - ڀاڱي جون ٻِيون داخلائون